اليوم سنبدأ إن شاء الله كورس الكهرباء و الإلكترونيات للأطفال, بصراحة إحنا مش متخصصين فى المجال ده و لكن بنجتهد فى البحث و بنحاول نقدم لكم مصادر ووسائل لتعليم أطفالكم كل ماهو مفيد ونافع.

اليوم سنبدأ فى تعليم الطفل أساسيات و مبادئ الكهرباء. المادة التعليمية دى بيشرحها طفل عنده 7 سنوات ماشاء الله لاقوة إلا بالله ربنا يبارك فيه ويحميه. ممكن الكورس ده يطبقه طفل عنده 6 سنوات.

الدرس الأول: كيف تضئ لمبه؟ و كيف تتحكم بها بزر تحكم؟

الأدوات المطلوبة:

1. لمبة ليد LED

ودى تُباع فى محلات الأدوات الكهربية و الإلكترونيات الكبيرة فى منطقتك أو فى التحرير وسعرها رخيص جدا تقريبا الواحدة بربع جنية مصرى, فى منها ألوان أحمر و أخضر و أزرق و أصفر و أبيض و كمان فلاش متعددة الألوان, ولكن بالتجربة الأبيض والأصفر أقوى إضاءة.

طب لو مش عندكم وعايزين تنفذوا الدرس دلوقتى يبقى عليكم وعلى اللعب المكسرة القديمة اللى مافيش بيت بيخلى منها 🙂

علم طفلك يفك اللعبة (أى لعبة مضيئة) و يستخرج اللمبات منها. وده لوحده نشاط هايل إن الطفل يتعلم لعبته من جوه شكلها إزاى؟ ومكونة من إيه؟

2. بطارية

إما بطاريات زى اللى فى الصور دى أو أى 2 بطارية قلم عاديين بس هايحتاجوا حامل بطارية وده بيتباع فى محلات الكهرباء كما ذكرنا و سعره لايزيد عن 1 ج أو 2 ج أو ممكن أيضا إستخراجه من الألعاب القديمة مثلا من عربية بالريموت بسلك أو لعبة بطارياتها بتتشحن.

3. أسلاك توصيل

أسلاك التوصيل المستخدمة بالفيديو موجوده فى محلات الكهرباء بالتحرير أو ممكن إستخدام أسلاك الكهرباء العادية التى يمكنك شرائها من أى محل كهرباء عادى أو يمكن إستخراجها أيضا من سلك ماووس قديم أو كيبورد قديم.

4. زر تحكم

أيضا فى محلات التحرير أو محلات الكهرباء العادية وتوجد أنواع و أشكال مختلفة المهم زر تحكم فتح وغلق.

شاهد 2 فيديو يشرح لك هذا الدرس. ولو عجبكم الموضوع من فضلكم شيير ليصل الموضوع لأكبر عدد من الأطفال ليستفادوا هم أيضا.

أضف تعليق

عدد التعليقات