Atfal Club تعليم الطفل باللعب و الأنشطة
بعد ما عملنا قارات العالم على الكره الارضيه هنبدا نعرف الطفل بقاره افريقيا
وفيها تقريبا ٥٤ دوله
عشان نخلى اطفالنا تثبت فى دماغهم اغلب أسماء البلاد هنربطها بقصه.
وافضل قصه ممكن نحكيها هى قصص الانبياء يعنى مثلا قصه سيدنا موسى مع فرعون واحنا بنحكى القصه هنقولهم ان سيدنا موسى عليه السلام كان عايش فى مصر ونكمل معاهم باقى القصه عادى وبعد كده نقولهم مصر دى البلد ال احنا كمان عايشين فيها تحب تعرف مكانها فين؟
أو ممكن فضوله يخليه يسالك هى فين مكانها ع القاره ؟ هنشاور لهم على المكان وهنعمل معاهم نشاط بسيط عن لون العلم بتاع البلد وهنكتب من داخل الورقه اسم البلد واسم النبى ال كان عايش فيها عشان تثبت معاهم
الموضوع هيكتسبو منه معلومات كتيرعن كل بلد فى القاره زى اسماء البلدان بتاعت القاره
وهيعلمهم قصه من قصص الانبياء وده هيسهل عليهم بعد كده حفظ القران.
وتجربه بسيطه ممكن تعملوها اقراى سوره النمل وقيمى نفسك فى فهمك ليها وبعد كده اقرى قصه سيدنا سليمان وبعدين ارجعى اقراى تانى سوره النمل هتلاقى نفسك فهمتى حوالى 90% من السوره بسبب انك قريتى القصه وعرفتيها
لإن لما الطفل يحفظ وهو فاهم غير لما يحفظ لمجرد الحفظ فقط
دى الطريقه ال عملنا منها قاره افريقيا فالين قديم وطبعنا قاره افريقيا ولزقنها ع الفلين ولونها والعلم عباره عن ستيك الخشب الصغير ولونا لون علم مصر بعد ما حكينا قصه سيدنا موسى وكتبنا جواها موسى مصر يعنى المقصود انها تفتكر ان سيدنا موسى كان عايش فى مصر.
