النهاردة الدرس التانى من سلسلة كورس الإلكترونيات للأطفال و هو كورس يهدف لتبسيط المعلومات عن الكهرباء و الإلكترونيات و الروبوتات.

يمكنك الإطلاع على الدرس الأول من هنا : “كورس الإلكترونيات للأطفال: كيف تضيئ لمبة؟”

الأدوات المطلوبة:

1. جرس

وده يُباع فى محلات الإلكترونيات فى التحرير وسعره رخيص جدا تقريبا الواحد بجنية مصرى.

طب لو مش هاتقدروا تروحوا دلوقتى وعايزين تنفذوا الدرس, فممكن تشتروا جرس عادى بتاع الباب من أى محل أدوات كهربائية وده بيكون ب 15 ج بس خلى بالكم انه لن يُصدر صوت عالى زى لما بيتوصل بالكهرباء العادية وده لإن قوة التيار اللى بيخرج من البطارية بيكون ضعيف أقل بكتير من 220 فولت اللى هى قوة التيار الكهربى العادى اللى بنستخدمه فى البيوت.

2. بطارية

إما بطاريات زى اللى فى الصور دى أو أى 2 بطارية قلم عاديين بس هايحتاجوا حامل بطارية وده بيتباع فى محلات الكهرباء كما ذكرنا و سعره لايزيد عن 1 ج أو 2 ج أو ممكن أيضا إستخراجه من الألعاب القديمة مثلا من عربية بالريموت بسلك أو لعبة بطارياتها بتتشحن.

3. أسلاك توصيل

أسلاك التوصيل المستخدمة بالفيديو موجوده فى محلات الكهرباء بالتحرير وأسمها crocodile wires عشان أطرافها مثل فم التمساح أو ممكن إستخدام أسلاك الكهرباء العادية التى يمكنك شرائها من أى محل كهرباء عادى أو يمكن إستخراجها أيضا من سلك ماووس قديم أو كيبورد قديم.

4. زر تحكم

أيضا فى محلات التحرير أو محلات الكهرباء العادية وتوجد أنواع و أشكال مختلفة المهم زر تحكم فتح وغلق.

 

شاهد 2 فيديو يشرح لك هذا الدرس. ولو عجبكم الموضوع من فضلكم شيير ليصل الموضوع لأكبر عدد من الأطفال ليستفادوا هم أيضا.

 

أضف تعليق

عدد التعليقات