Atfal Club تعليم الطفل باللعب و الأنشطة
من مشاركات أصدقاء الموقع Amira Kassem
اليوم سنعلم أطفالنا طريقة عمل صمغ الورق, الميزه فى الصمغ ده انه قوى وامن يعنى لو طفلك بلعه قوليله بالهنا والشفا 🙂 كمان بكده تكونى وفرتى كتير بدل ماتشترى صمغ من بره.
المقادير
- كوب الاربع ماء
- نص كوب دقيق
- ربع كوب سكر
- معلقه خل
طريقة العمل
- هنخلى الطفل يعرف الاول احنا جايبين الحاجات دى ليه, يعنى نقوله احنا هنعمل صمغ عشان نلصق به الورق.
- وبعدين نقوله مثلا ده دقيق ونخليه يمسكه ويعرف شكله وملمسه وهكذا باقى المكونات.
- وبعدين نخليه يخلط كل المكونات مع بعض ويقلب بالمعلقه او بايده
- وبعدين احنا نحطه على النار يستوى يبقا زى المهلبيه ولو كلكع معاكى متقلقيش اضربيه فى الخلاط هيبقا عامل زى المهلبيه.
وبس كده ده شكله ونحفظه فى التلاجه فى برطمان أو علبة بلاستيك لوقت الاستخدام.
