كيف تجعل طفلك مبدعا ب 100 ج فقط ؟!

كلنا نفسنا أولادنا يكونوا مختلفين ومتميزين.. بس لازم كل أم و أب يعرفوا إنه عشان ابنكم يكون مبدع أو مخترع أو حتى عشان تشغلوا وقته فى حاجات مفيدة إنه هايكون عليكم مسئولية توفير البيئة اللى تساعده على الإبداع و التمييز

1.  تخصيص مكان فى المنزل خاص بالأعمال الفنية و التجارب و الإختراعات للطفل
2. الإحتفاظ بكل شئ قابل للإستخدام فى المشروعات العلمية و الفنية مثل: الزجاجات البلاستيك الفارغة لاترميها, بل جمعيها فى كرتونة أو كيس كبير , كذلك الأكواب البلاستيكية, الصناديق الكرتون بتاعة جزمة أو علبة عصير كبيرة أو علبة مناديل, علب الآيس كريم, رول بكر المناديل وبكر الفويل, غطيان الزجاجات البلاستيك خاصة الكبيرة منها, السيديهات القديمة, أى قطع كرتون مقوى وهكذا.

نيجى على النقطة الأهم وهى موضوع ال 100 جنية

3 . أدوات و لوازم الأنشطة لابد من توفيرها فى المنزل امام الطفل فى مكان ثابت ومخصص لذلك و هذا يشجع الطفل على عمل التجارب و الإبتكار بإستمرار كما يسهل عليك كأب أو أم, فبدلا من شراء الأدوات واحدة واحدة, الأفضل شراؤها جملة واحدة وفقط.

الأدوات الغالب إستخدامها فى أكثر من 100 تجربة علمية وفنية:

• شفاطات يفضل اللى بتتنى من طرفها من محلات 2.5 (الكيس ب 3 ج)

• عصيان آيس كريم خشب (من محلات المواد الخام بتاعة الآيس كريم ب 3 ج أو جمعوهم من الآيس كريم اللى بتشتروه)

• عيدان الشواء الخشب من محلات 2.5 (الكيس ب 3 ج)

• شريط لاصق شفاف و بتاع البويا من الموان (حوالى 5 ج)

• ألوان طعام من عند العطار ( ب 5 ج ممكن تكون سائل بقطارة أو تكون بودرة, لو بودره يمكنك وضع القليل من الماء عليها ووضعها فى أى زجاجة قطرة قديمة عندك)

• أطباق فوم ( 10 أطباق ب 2.5 )

• كيس أستيك فلوس (ب 2.5)

• 2 أكياس بالونات عادية و طويلة (ب 5 ج)

• مسدس شمع (مهم جدا استخدامه تحت رقابة الوالدين ب 20 ج + 2 شمعات  ب 2 ج)

• 2 أنابيب صمغ (أفضل نوع هو UHU ب 10 ج)

• ورق A4  ملون (ده مش منتشر أوى بس موجود فى سمير وعلى ب 20 ج)

• ورق فوم ملون (ب 10 ج من سمير وعلى)

• ماركر (ألوان حسب رغبة الطفل ب 2.5 ج)

• دبابيس ورق paper clips (العلبة ب 3 ج)

• مغناطيس أى نوع و أى حجم ( حوالى ب 5 ج)

• بكرة خيط  (ب 2 ج)

بس كده تقريبا دى أغلب الأدوات اللى هاتحتاجوها بإستمرار

طبعا بالإضافة للحاجات الطبيعية اللى موجوده فى كل بيت مثل الصابون السائل, الدقيق, الملح, الفلفل, الزيت, عسل نحل, خل, كربوناتو, ليمون, ثلج , مكرونة, رز …..إلخ

وكمان ألوان مايه و ألوان عادية و مقص وهكذا, ولو فى حاجة نسينها ياريت تفكرونا بيها فى الكومنتات.

الجميل فى المشروعات اليدوية دى إنها بتوصل للطفل المعلومة وفى نفس الوقت هو بيستمتع إنه بيصنع أشياء مفيدة من مهملات كانت هاتترمى فى القمامة.

نسألكم الدعاء و نسأل الله لكم التوفيق ويارب تشوفوا أولادكم متمييزين و مبدعين.

كمان من فضلكم لايك و شيير و كومنت ليصلك جديد الموقع و كمان عشان البوست يوصل لناس كتيييير

وكل اللى عنده أصحاب عندهم ولاد صغيريين يعملهم منشن.

أضف تعليق

عدد التعليقات