إفطار فى السرير لماما!

أكيد مستغربين عنوان الموضوع و بتقولوا إيه ده؟ و إزاى ده فى المسلم الصغير مش الطباخ الصغير مثلا!!

لكن لا داعى للإستغراب إطلاقا …. أنتو نسيتو إن ربنا أمرنا ببر الوالدين و طاعتهم و الإحسان إليهم!! نسيتو أن ده تانى أمر بعد توحيد الله وعدم الشرك به

{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . }

تعالوا نشوف فكرة لإسعاد الأم وهى تحضير الفطار فى السرير لماما 🙂

مش شرط أبدا نعمل نفس الفطار اللى فى الفيديو

مثال لأكلات سهلة للفطار

بيض مقلى + جبنة + عيش + كوب عصير

فول + بيض مسلوق + سلطة أو مخلل + كوب نسكافية

حلاوة  أو مربى + عسل نحل أو أسود + فطير + كوب لبن

 ملحوظة

طبعا لو أنت كبير و تقدر تتعامل مع البوتاجاز بدون ماتأذى نفسك فممكن تعمل الفول و البيض, لكن لو كنت أصغر سنا فممكن تطلب مساعدة بابا أو أحد إخوتك الكبار أو تكتفى بالجبن و المعلبات اللى مش محتاجه طبخ على النار.

 أهم حاجة ماتنساش تكتبلها بحبك يا ماما و كلمتين حلويين على الكارت

** لو إبنك لسه صغير, أطلبى من والده أنه يقوله على الفكرة دى و يعملوها مع بعض عشان يعلمه برك من صغره, فالتعليم فى الصغر كالنقش عالحجر.

 

أحاديث نبوية عن بر الوالدين

صور للتلوين

أضف تعليق

عدد التعليقات