Atfal Club تعليم الطفل باللعب و الأنشطة
هذة هى قائمة الأدوات التى سيحتاجها طفلك فى معسكر جوجل كامب – الأسبوع الأول (Ocean week أسبوع المحيط)
- ملح طعام
- ماء
- 3 أكواب زجاج
- كوب قياس / عيار
- ملعقة للتقليب
- 3 بيضات
- 2 رول بكر مناديل
- طبق فويل
- شريط لاصق
سيتم الغوص أونلاين فى قاع المحيط الأطلسى وإكتشاف عجائبه مع ناشيونال جيوجرافى
أكتشف كيف يستطيع الدولفين الرؤية تحت الماء!
لماذا بعض الأشياء تطفو فوق الماء و بعضها يغوص!
الغواصة و كيفية عملها!
قم بعمل تجارب منزلية بنفسك بأدوات بسيطة.. و أحصل على بادج التجربة من جوجل كامب.
نشاط 1: لماذا تطفو الاشياء؟؟؟
الادوات
3 بيضات
3 اكواب كبيره ومتساويه من الماء
ملح
ملعقه للتقليب
الطريقة
اول كوب هايبقى فيه ماء فقط
تاني كوب هاندوب فيه ربع كوب من الملح
تالت كوب هاندوب فيه ثلث كوب من الملح
بهدوء هانسقط كل بيضه في كوب
سجلوا مشاهداتكم
المشاهدة و التفسير
الملح بيزود كثافة الميه يعني كلما زادت كمية الملح المذاب كلما ازدادت كثافة الماء
كوب الماء الخالي من الملح البيضه غطست فيه لاسفل الكوب لأن البيضه كثافتها اعلى من الماء
وكوب الماء اللي مذاب فيه ربع كوب من الملح البيضه تعلقت فيه في المنتصف وده معناه انه كثافة الماء تساوي كثافة البيضه تقريبا
اما الكوب المذاب فيه تلت كوب من الملح اصبح الماء كثافته اعلى من البيضه علشان كده البيضه فضلت طافيه على سطح الماءا
لمشاهدة الفيديو على موقع الكامب
https://camp.withgoogle.com/activities/week1/why-do-some-things-float
نشاط 2 (ازاي الدولفين بيقدر يشوف في الميه؟)
مدة عمل النشاط 5 دقائق فقط
إزاى الدلافين بتقدر تشوف في الميه مش صافيه او ضلمه فتبقى الرؤيه صعبه فيها
الدوفين بيصدر اصوات, الاصوات بتتحرك في الميه لحد ما تصطدم بأي جسم سمكه مثلا
اول الموجات الصوتيه ما تصطدم بجسم ما…. جزء منها بينعكس تاني في اتجاه الدولفين وساعتها الدولفين بيقدر يفهم من الموجات اللي رجعتله شكل الحاجه اللي في طريقه ايه..
مش بس كده وكمان بيقدر يعرف الجسم ده بعيد عنه اد ايه بناء على الوقت اللي استغرقته الموجات الصوتيه في الرجوع ليه مره تانيه
في النشاط اللي معانا هانصدر صوت والصوت هاينعكس على الطبق المعدني ويرجع لنا تاني نسمعه
الادوات
- طبق فويل
- شريط لاصق
- رول بكر مناديل طويل
الطريقة
مطلوب نثبت الطبق على سطح مستوي بواسطة الشريط اللاصق ونثبته بحيث يكون مثبت واقفا على أحد جوانبه
أمسك واحدة من الرول ووجهها ناحية مركز الطبق فى نفس الوقت خلى الطفل يمسك الرول التانى و يوجهه ناحية المركز ايضا
أهمس فى الرول بتاعتك بجملة بسيطة وخلى الطفل يضع أذنه على الرول التانية و يحاول يسمع انت همست بإيه؟ و العكس
شاهد الفيديو اللى فى اللينك ده لمزيد من التوضيح
https://camp.withgoogle.com/…/how-do-dolphins-see-underwater
