اصنع لعبتك للأطفال: لعبة صيد السمك

ما فيش حد فينا ما لعبش بلعبة صيد السمك اللى بتشتغل بالبطاريات و لما السمكة تفتح بؤها ننزل الصنارة و لما تقفل نصطادها 🙂 كنا بنستمتع بيها أوى بس تخيلوا بقه لو كنا صنعناها احنا بنفسنا, أكيد كنا ها نستمتع بيها أكتر.

وعشان عايزين اولادنا يكونوا جيل أفضل مننا, جيل مبتكر و صانع ومنتج مش مستهلك.

كمان اللعبة دى غير المتعة ممكن نستخدمها فى الأغراض التعليمية و بكده نكون جمعنا بين العلم و المرح.

ممكن نكتب على السمك الأرقام و الحروف سواء العربية أو الأجنبية و نقول الحرف أو الرقم للطفل و هو يصطاده.

أو لو الطفل أكبر فى السن ممكن نعلمه يجمع جملة مفيدة بإننا نكتب كلمات على السمك و الطفل يصطاد السمك بترتيب الجملة المفيدة.

كمان بره بيستخدموا اللعبة دى فى إن الطفل يحفظ الكلمات المقررة عليه مثل ال sight words

للحصول على ملفات طباعة كلمات sight words من هنا

الأدوات:

• عصا آيس كريم أو عصا شواء خشبية.
• خيط صوف
• مغناطيس ثلاجة أو أى نوع
• شريط لاصق أو صمغ
• دبابيس paper clips أو دبابيس دباسة
• ملف طباعة سمك من هنا

** ملحوظة: لو أردتم عمل سمك يصلح لوضعه فى الماء ليشعر الطفل أنه صيد سمك حقيقى فيمكنكم رسم سمك على ملف بلاستيك ملون (ملفات حافظة الأوراق) أو على فوم ملون. الخيار لكم و فى كل الحالات سيستمتع بها الأطفال كثيرا.

طريقة عمل سمك الكلمات

أضف تعليق

عدد التعليقات